女友人最近換咗部歐洲跑車，打電話約我遊車河，做朋友嘅當然義不容辭啦！兜完一輪之後停低歇一陣，見友人熄咗車都仲多手扭個方向盤，弊！實鎖死軚喇！「高科技車邊會呀！」唉，邊關科技事吖，係車都有機會出現呢個情況啦！友人二話不說撻車，「哎吔！個軚真係郁唔到呀，使唔使Call車呀？」話咗佢啦，多手！不過以我多年嘅駕駛經驗所得，遇到呢類情況唔使騰，只要扭匙時同步輕輕轉動方向盤即可。友人照做，即掂！「泊完車見個軚歪歪斜斜，諗住扭番正啫！」得，不過係要未熄引擎之前囉。部車無動力都可以扭來扭去，咁咪係人都可以郁到部車，要偷要拆都好易，咁仲得了？以後泊車熄匙之後就咪多手喇！
文：大姨媽