好多人只顧享受經濟好處忘記歷史傷口，煲呔係代表人物，前高官陳太喺網上專欄再批煲呔，話今年六四燭光集會令人驚喜，有差不多20萬人參加，人多到逼不到入會場，可見香港仍然有言論自由同集會自由，港人要好好珍惜及捍衞呢種自由。
今年燭光集會特別多年輕人參加，陳太指89年後出生嘅年輕人雖然只透過書本同網上資料，了解六四事件來龍去脈，但顯然佢哋都識從歷史中吸取教訓，冇忘記歷史。
陳太今年7.1會再上街，呼籲後生仔一齊上街，表達對民主發展、政府問責程度，以及民生政策訴求，佢話去年有4.7萬人參加，希望今年更多人遊行。