▲嘉里今次賣樓都算倉卒，示範單位啱啱開就即刻賣樓，售樓處同現樓示範單位又喺唔同地方，發展商同部份代理為方便有心買樓嘅市民，噚日都安排咗穿梭巴士來往兩處地方，半個鐘一班，無論佢哋睇完先買或買完先睇都得。另嘉里仲安排6輛巴士，由Megabox、萬景峯、綠楊新邨、美孚地鐵站、葵芳地鐵站同青衣地鐵站兜客，先去參觀示範單位，有興趣嘅再接去如心廣場酒店內嘅售樓處揀樓。