林海峰（Jan）、葛民輝、陳奕迅和容祖兒昨天以食品店外賣速遞員打扮，於尖沙嘴出席宣傳活動，負責設計外賣員服裝的阿葛，大講有味笑話。祖兒之後會充當外賣員速遞食物，她指不怕送上門時遇陌生男人，她說：「唔驚，我好專業，我用迅速態度送咗食物，收埋錢就走。最驚送嘅時候遇着超級靚仔，我又好想劉青雲打電話買食物，咁我去送嘅時候實唔會走，幫佢執埋枱。」
阿Jan：囡囡跳紮紮
近日本港小學及幼兒班的學生因豬流感停課14天，育有兩女的阿Jan說：「全屋好似《全英一叮》，細路好似攞冠軍跳紮紮，有人（太太彭羚）好似村姑Susan落敗咁，諗緊嗰啲日子嘅準備工夫，唔想浪費時間。」至於有指林珊珊大女與農夫的C君拍拖，阿Jan不作評論。
採訪：王連連
攝影：陳慧安、陳順禎