四川大地震後百廢待興，港府打算撥款逾百億元協助重建，立法會發展事務委員會下星期再討論撥款問題。內地貪官遍地，抽油水者多如牛毛，正式拍板撥款前，立法會議員建議先到四川實地視察，否則港人血汗錢被人中飽私囊，政務司司長唐英年日前回覆立法會，表示會向四川方面反映吓議員呢個要求。
有責任監察公帑用途
議員能否赴川視察係未知之數，唐英年亦冇講有冇機會成行，民主黨卿姐噚日在立法會內務委員會會議上，批評官員辦事不力，如果議員未視察就通過撥款，監察公帑不力似乎愧對市民，公民黨湯大狀亦支持先視察後批款，認為咁樣做似乎最穩陣。
剛剛到四川考察嘅陳偉業認為實地睇清楚十分重要，60個議員應該共同進退，如果有關方面唔安排全體議員到四川，或者歧視泛民，議員不應通過撥款。內會主席劉健儀承諾下周同唐唐會面時，會要求佢交代訪川時間表同路線圖，有人笑言如果當局安排7.1回歸假期訪川，唔知泛民是否奉陪？