很多人都會以神神化化來形容劉以達，不過最近他起了很大的變化，一切的改變源自他的宗教信仰。一個本來信奉佛教10多年的人，忽然改為信基督，他更為了教會與4個年輕人夾band，推出了一隻福音大碟，希望藉此感染更多人有同一樣的信仰。
對於自己的宗教改變，劉以達以「我自己都估唔到會咁」來形容，他身邊的朋友更說：「呢隻怪獸會去信教，真係世界變啦。」事實上阿達真的改變了。
壞朋友改變一生
阿達表示早前與一位朋友重遇，繼而改變了他的前路，他說：「以前呢位朋友除咗殺人放火，真係壞事做盡，當時因為佢吸毒我疏遠佢。早排見番佢，佢話佢結咗婚生咗仔，同埋信咗基督教，我心諗一個壞事做盡嘅人都信基督，真係好神奇，因為之前我覺得耶穌係鬼佬先至信嘅。」
之後阿達受這位朋友感染下，與太太一起改變了本身的宗教信仰，他說：「之前同經理人搞到好唔愉快，半年冇job接得$8000收入，佢仲幫我推晒啲job，本來我好憎佢，家我個人冇晒怨恨，有困難時我就祈禱，之後就會解決到。」
出福音大碟傳道
阿達希望感染身邊更多人，於是決定推出福音大碟，與四位年輕人車仔、應祈、古惑貓以及文傑一齊夾band，灌錄了《LoveMission》。另外阿達最想令周星馳以及黃耀明信奉同一個宗教，他說：「星爺感染力好大，如果連佢都信，佢一定可以影響到更多人。至於明哥，我記得識佢時佢係基督教，之後就好似冇咗件事，所以我想將呢啲好嘢再次帶番畀佢。」
採訪：李珮洳
攝影：葉君海
場地提供：Eutopos
