王祖藍談不上英俊，只有5呎3吋半高的他憑才藝在娛圈殺出一條血路。他在新片《矮仔多情》變身落難公子四處媾女，扮演他其中一位女友的徐子珊表示，很喜歡有才華的男士，她謂祖藍是學院派出身，架生好齊，演出更加得心應手。
身高5呎5吋的徐子珊，拍檔多數是高大型男，奈何在新片《矮仔多情》中卻愛上了既不英偉，只有5呎3吋半高的王祖藍，二人更是上演一幕男女角色大反轉的《天若有情》電單車兜風經典場面，浪漫欠奉，搞笑有餘，誇張點說是褻瀆了劉德華飾演的華Dee。
「演喜劇得心應手」
原來矮仔只要有才華，可彌補身形的缺點，王祖藍和徐子珊日前接受本報記者訪問，子珊說：「同祖藍相處過之後，我發覺才華嘅可貴，唔知係咪刻意幽默，佢會講好多嘢令身邊人好開心，同佢一齊拍戲覺得好快樂。祖藍係學院派出身，架生好齊，其實演喜劇好難，當一個人受過訓練，演出會得心應手，我一向都鍾意有才華嘅男仔！」
「有錢唔做娛樂圈」
祖藍在片中扮演落難公子四處媾女，女友包括徐子珊、黃婉伶、李曼筠（動漫Maggie）和Angelababy等，艷福無邊，問他錢財和身材二選其一，會怎樣揀？他說：「最重要係我開心，如果我夠高就拍唔到《矮仔多情》，有錢我就唔做娛樂圈。」
採訪：魯萍 攝影：陳慧安
髮型：ASonofHair（徐子珊）、TedYeungofiiHairNail（王祖藍）
化妝：OmixB（徐子珊）、K.T.ofFelixFerreira（王祖藍）
