理大噚日獲江蘇民企無錫嘉創科技有限公司老闆葉雪峰捐出100萬元人民幣，支持大學工業中心發展，100萬人仔唔係認真大數目，不過背後有一個知恩圖報故事。
葉雪峰80年代曾喺理工任職，擔任工業中心研究員，後來出外打天下，廿幾年後終於喺國內闖出頭來，公司頗具規模，主要從事機電產品、新能源產品研發，食正國家支持開發新能源大勢，家參與研發南澳洲港海浪發電測試項目，潛力不容少覷。
今次係理工第二次接受人仔捐款，首次收人仔由「中國最有錢農民」魯冠球捐出500萬元人民幣，魯冠球做過打鐵工人，家身家以百億元計，在內地富豪榜排得好前。