女子組合Freeze為紀念出道兩周年，日前同本地時裝品牌LifeTeam合作拍攝限量版PrintTee廣告相，三人要着泳裝拍攝。雖然Freeze好多時要着泳裝影相，但佢哋都小心翼翼做好防走光措施。
其實Freeze出道以來都係以性感形象掛帥，好多時備受冷眼同批評，成員陳樂榣（Alley）講開呢兩年嘅經歷一時感觸起嚟，佢話當年因為要代爸爸還債，所以暫停加拿大嘅學業返嚟香港。現時Alley要供細佬喺台灣讀音樂，知道細佬拎到獎學金，佢覺得受幾多冷眼，工作有幾辛苦都係值得嘅。
石詠莉胸縮水
早前因為腳傷要停工嘅石詠莉（Suki）增磅不少，當佢一知道要着泳裝影相就急急去美容院做機，又節食雙管齊下減肥。雖然佢嘅上圍縮水一個碼，但佢都好自信咁話：「我只係回復番之前瘦嗰時嘅size，家都係咁勁。」