胡琳最近為了新歌《野地戀人》花盡心思，早前為了拍《野》曲MV時更刻意地獄式減肥，每日只吃一餐，最後雖然成功減磅，但卻令病魔纏身，她又亂買成藥醫病，搞到自己不時因為血糖偏低而頭暈，更試過差點暈倒於家中，幸好朋友及時趕到。
亂服食成藥
不過胡琳十分硬頸，即使多次因病生事，她也未有反省錯誤，直到一次她又再次亂食成藥醫治感冒，最終令她整晚輾轉難眠，心跳快到似要衝出來一樣。
最後胡琳才死死地氣打電話給朋友幫手，她笑說：「搞到要朋友陪我睇醫生，而且經過呢件事，啲朋友成日打電話畀我，睇吓我喺屋企會唔會出事，有啲仲叫我裝救命鐘，真係激死，但我都好感謝佢哋嘅關心。」
撰文：林妃