43名候選港男前日到電視城面試競逐入圍資格，相比起10位準港姐，港男質素明顯有睇頭，其中「大隻王貽興」阿Jim甫出現即成為大熱門。前晚阿Jim和幾名港男面試完後，即結伴醫肚和煲煙，狀甚老友，不過阿Jim坐地鐵時卻遊花園兼四圍望嚴防有人跟，行動鬼祟。
新一屆港男即將舉行，前日43名參賽者到將軍澳電視廣播城面試，其中「大隻王貽興」阿Jim憑着健碩身材率先成為大熱門。當晚眾候選港男在電視城面試後陸續離開，阿Jim和其他11名候選港男約9時離開電視城，一行人乘坐電視城專車到調景嶺後，阿Jim和四名參賽者包括「隊啤霍啟剛」鄭天樂等到附近商場的茶餐廳醫肚。
夜遊車河防跟蹤
可能面試時間很長，故此各人一坐下即落order，其間五人有傾有講表現老友，果然是一見如故。五人狼吞虎嚥後，不夠一小時便結賬離開。阿Jim等人即到樓下便利店，其中一名長髮男入內買煙，之後鄭天樂和另一恤衫友向長髮男索煙，眾人在店外吞雲吐霧兼吹水，相信是討論當日面試情況。
其後各人分道揚鑣，阿Jim和恤衫友坐港鐵往旺角方向，兩人沿途有傾有講，到旺角站恤衫友先落車，剩下阿Jim一人，之後他竟坐回調景嶺方向列車返石硤尾，其間阿Jim不時講電話，落車後又行樓梯，但行動比阿婆還要慢，又不時四圍望，似乎觀察四周有沒有人跟蹤自己，警覺性甚高。在石硤尾站落車後，阿Jim由窩仔街出口離開港鐵站，再慢步往南山邨時已不知所終。
家人伏窗等紅郎
另外，「帶子紅郎」Leon和另一大隻仔則結伴離開，未見下午陪同Leon一起出現的Leon媽接他，之後Leon獨自返到鯉魚門廣場再到吉野家買外賣，接着步行約10分鐘返鯉隆樓樓下，此時Leon抬頭望向樓上，原來其家人在窗外等他回家，更互相揮手打招呼，看來一家人感情相當好。至於大隻仔發現有傳媒追訪，竟擺甫士給記者影相，認真識搶鏡，之後他到荃灣食米線醫肚後再坐巴士往天水圍。
採訪、攝影：藍文浩、馬建華