花旗股市反反覆覆，升唔上又跌唔落，睇嚟係等緊消息突破。港股前日急升超過700點後，噚日只升5點，但係市況都幾波動，最後可以報升收市，已經算幾好，技術上亦反映港股繼續向好。
港股短線炒上20000關嘅機會大過下試20日線，市場上仍有好多炒作機會，短線最吸引都係內銀股，建行（939）走勢好靚，可以留意佢啲C輪。
建行C輪15239：建行昨收5.46元，升2.4%。升破咗之前嘅整固區後，建行下個目標係6.50元，可以諗吓隻C輪15239。
隻輪現價8.8仙，2009年12月7日到期，行使價4.88元，溢價5.5%，引伸波幅45.9%，槓桿率6.2倍（有效4.1倍），正股升上6.50元，15239有機升上16.6仙，接近9成升幅，如果正股跌穿5.15元，就沽咗隻輪止蝕。
俊樺