擁有34E驕人身材的鍾蕙芝（Lavina）近日人氣急升，她昨日與擁有33C上圍的師妹梁思敏（Mona）到沙灘享受日光浴。小師妹Mona為師姐搽太陽油及整理泳衣，吸引不少泳客目光，Lavina更大方說：「好嘢唔怕畀人睇。」
近日娛樂圈模輩出，當中不少更擁有驕人身材，其中Lavina憑34E驕人上圍而人氣急升，昨日她與師妹梁思敏在聖士提反灣嬉戲，大玩飛碟和沙灘波。其間Lavina在沙灘解帶，Mona即時為她搽太陽油，此時站在遠處的泳客均被Lavina的豪情舉動吸引，不時偷望她。
「多咗男仔約食飯」
Lavina表示平時到沙灘都會吸引不少泳客注視，她說：「我會將呢啲目光視為欣賞嘅眼光，有時同同學去沙灘都會有人撩我哋打波，如果我啲朋友想打，我都會一齊玩，其實我平時性感都係工作需要，自己出街好少着得咁性感。」她又指自幼媽咪已教導她乘坐地鐵時要小心被人博懵，她說：「媽咪教我有位就坐，冇就企埋玻璃，之後用個袋護胸，冇袋就交叉手擋住。」
原來現年21歲的Lavina只有四次戀愛經驗，初戀發生在16歲，最近一次則是跟一名日籍男模拍拖，她說：「都試過同靚仔拍拖，家會揀細心有才華嘅男仔，但唔知點解呢排好多以前識落嘅男仔都約我食飯。」
勸劉欣宜醫臭狐
談到劉欣宜（ECupBaby）被暗寸有臭狐，Lavina指別人的事不太清楚，但言語間她揶揄說：「其實臭狐有得醫，去睇醫生就得啦。」Mona也不忘對ECupBaby封胸加意見，她說：「佢出道已經係走呢條路，家有呢個決定，我覺得佢應該諗一諗。」至於Mona現年21歲，07年曾任動漫節GameGirl，擁有33C驕人上圍的她自小喜歡食木瓜，還謂希望以師姐Lavina為榜樣作多方面發展。
採訪：比華利
攝影：陳慧安