馮仁昭四圍超:盧海鵬旺角派雨衣 - 馮仁昭

馮仁昭四圍超:盧海鵬旺角派雨衣 - 馮仁昭

亞視節目《香港亂噏》一眾藝員噚日化身政府官員同議員,喺旺角派雨衣畀市民,取其意思行經旺角要小心保護自己,以免飛來橫禍中鏹水彈。向來扮嘢入型入格嘅盧海鵬扮黃毓民,亞視仲搵埋毓民到場,大讚鵬哥維妙維肖,比自己更俊俏,令鵬哥笑不攏嘴。而姜皓文戴上假長髮束起馬尾扮長毛梁國雄,蔡國威更反串穿上套裝扮陳馮富珍。