【本報訊】「魔鬼醫生」羅文友不忿被無限期停牌，展開大報復，涉嫌把病人A小姐綁架，僥倖逃過大難的A小姐昨日站出來，向本報親述獲救過程，又展示傷勢，她直言在車尾箱被困時很絕望，擔心就此死去。不過，警方表示，前日以非法禁錮罪名被捕的羅文友及其胞弟胡文琛獲准以3,000元現金保釋外出，A小姐得悉消息後擔心人身安全受威脅，希望立法會議員協助。
立法會議員何俊仁認為，若受害人有可能受涉案人滋擾，警方就算未有足夠證據落案，仍可以用暫控罪名，暫時扣押涉案人，並由法庭禁止涉案人接觸受害人，雖然警方有權選擇處理案件方法，可是萬一受害人受涉案人滋擾或傷害，警方就要承擔責任。他表示願意協助A小姐。
A小姐昨晚出院後，憶述被綁經過，猶有餘悸，「驚到氣促，又覺得好焗，咪猛咁周圍踢囉，成個人亂晒大龍，搵咗好耐先搵到個電話，係咁chok條繩，想打電話，喺度亂咁㩒，打畀朋友全部唔通，嘟嘟聲，就快斷氣嗰陣先諗起打999。」
「諗起佢就起雞皮」
她說當時手腳被綁，全身被屈成「蝦米」狀，至今仍全身疼痛，「我係咁掙扎，攞到個電話，又擺唔到埋耳仔度，惟有係咁嗌，覺得好似就嚟死咁，個心喺度諗住點解會咁？發生乜嘢事？會唔會死？」
她被救出時神志不清，「唔知自己喺邊，全身僵硬無力，要三個人扶住我等白車，覺得個口好乾，頭暈眼花好想暈，乜都睇唔到，淨係睇到啲人影。」
羅文友及其弟胡文琛（兩人不同姓氏）昨晚獲准保釋外出，A小姐想起二人感到不安，「諗起佢哋都會起雞皮，真係好恐怖，諗返轉頭，佢做醫生呃病人，呃啲女人，不擇手段，好開心咁，將啲快樂建築喺啲病人同啲女人嘅痛苦身上。」她指羅文友喪盡天良，「佢一直覺得法律制裁唔到佢，以為自己走到法律罅。」
經常登門造訪求歡
過去10多年，已婚的羅文友把A小姐當作性奴，分開居住後，又經常登門造訪求歡，A小姐為了逃避他，佯裝家裏無人，「閂埋道門唔出去，唔敢開燈，佢兩兄弟走嚟踢門，我匿喺化妝枱底，有時匿入衣櫃，佢之後捉我出嚟，鬧我做乜唔聽話。」她形容過去的生活豬狗不如，曾自殺，幸好獲救。
「我都好想有老公錫我，有個家庭，家我已經放棄咗，我一生俾佢毀咗……我好驚，以後嘅路唔知點樣行，我唔企出嚟唔得，我唔想冇自由，唔想成世受住佢威脅。」
醫務委員會聆訊完結，判處羅文友專業失德無限期停牌後，A小姐已收拾心情，迎接新生活，沒想到發生今次事件，「我家識咗啲新朋友，佢哋好幫我，令我有番信心，我都好多謝佢哋。」
鍥而不捨
持親密錄音討回公道
魔鬼醫生羅文友多次侵犯女病人A小姐。10多年來，A小姐在魔掌下曾經兩次報警，又向申訴專員公署及專業團體求助，卻求助無門，到去年底她第二度向醫務委員會投訴，案件始獲受理。A小姐鍥而不捨、誓討公道的決心，儼如港版「秋菊打官司」。A小姐說，醫委會上月判處羅無限期停牌，還了她一個公道。
兩次報警不處理
Ａ小姐97年遇上魔鬼醫生羅文友，自此開始了噩夢般的人生。面對羅多次侵犯，Ａ小姐先後兩次向警方求助，但警方以事件屬男女感情糾紛為由，沒有處理；Ａ小姐又試過向申訴專員公署投訴，但公署認為案情嚴重，建議她報警。多次求助無門下，Ａ小姐找過風雨蘭，最後遇上社區組織協會病人權益幹事彭鴻昌，終助她脫離魔掌。
醫委會上月裁定，羅文友與A小姐多次發生不恰當行為等10項指控成立，被判處無限期停牌。但A小姐透露，早在07年已首次向醫委會投訴，但當時案件未獲受理。直至去年底她再次向醫委會投訴，由於手握親密錄音對話，醫委會才受理。
孽緣擾攘十多年
兩人的孽緣擾攘十多年。Ａ小姐指，醫委會的判決還她一個公道。她表示，其身邊朋友一直不相信她的指控，覺得她有精神病、「亂噏」，今次判決清楚告訴所有人，她的指控有根有據，判決助她由黑暗走進光明。
本報記者