灣仔區鵝頸選區補選在父親節6.21投票，民建聯鍾嘉敏被看高一線，因為西環「第二支管治隊伍」十分落力「助選」，社民連季詩傑拉票如老鼠拉龜。
社民連19號會在時代廣場為阿季搞造勢晚會，八方聽聞當晚可能有特別嘉賓，就係李繼雄。李繼雄本來係呢個區嘅區議員，因騙取公帑被判監五個月而失去議席，結果要進行補選。據知李繼雄身陷囹圄時，社民連高層曾兩次探監，誠意十足游說李出獄後幫忙「過票」阿季，由於李繼雄屬民主派，據講雙方傾得埋。
李繼雄上月中出獄，搵佢站台禍福難料，小道消息指西環主動接觸李繼雄，「希望」佢保持中立，既然不在其位，無謂再搞政治云云。