一代詠春宗師葉問1972年逝世，「自從爸爸死咗，佢就年年嚟攞錢!」現任「葉問國術總會」董事的葉問長子葉準，說到他的同父異母弟弟時，有點無可奈何。「我落嚟香港時，老竇同一個上海女人住埋，佢（父親）話呢個係我細佬，我咪認佢囉，佢叫我做阿哥……」葉準說30多年來都要照顧同父異母的弟弟葉少華。
「照顧佢幾十年」
葉準表示，父親在1949年留下母親、他及三名弟妹在鄉間便隻身到了香港，1962年葉準與胞弟葉正來港，發現父親已和另一女子結婚，並誕下一子，即現年54歲的葉少華，但他和同父異母弟弟相處並不和睦。
「老竇死後，我就開始照顧佢（葉少華），呢幾十年來，佢次次來親都係攞錢，我從來冇托過手踭，每次都畀500蚊。」葉準透露，「如果唔畀佢，佢就恐嚇同威脅，去年就撕爛門口啲嘢（揮春及門神）。」
對於為何要認這個弟弟，葉準說，「老竇話係就係啦，唔通唔認咩！何況我都照顧佢幾十年囉。」他補充，「如果今次趕佢走，佢要話我絕情，我都冇辦法，因為搞到我咁麻煩。」葉準強調，對葉少華在外的一概都不清楚，連其是否成家及工作都不知道，以往兩人見面只是「一個攤大手板攞錢一個畀錢」。
本報記者