港、深合作吹水㷫烚烚，民建聯食住條水，先在立法會提出動議辯論，下星期又搞深圳訪問團，點知深圳市市長許宗衡忽然落馬，民建聯劉江華噚日被問到訪問團會獲邊個官員接見時，即時口啞啞。
民建聯主席譚耀宗則話，過去同許宗衡都係在「公開社交場合」見面，今年最後一次見許市長，係出席深圳「新春座談會」，會後許市長請食飯，但純屬禮節性飯局，「過去都係咁，唔覺有乜問題。」
民建聯新任副主席張國鈞北極企鵝多言論被網民恥笑，劉江華坦言好無奈，話希望大家日後發言時謹慎一點。港台網頁噚日指「企鵝多」言論與常識不符，對出錯致歉。港台可能係為搵錯嘉賓致歉。