賈曉晨（JJ）早前忙於拍攝新片《矮仔多情》，同片演員還有王祖藍、徐子珊等，JJ在片中飾演邪骨妹，並與王祖藍有不少對手戲。
睇中圈中人
對於自己不時被外間認定靠賣弄性感上位，JJ日前接受訪問時自爆曾經因此而有放棄的念頭，她說：「啲人成日話我放電，其實我喺濟南係讀演藝出身，我當初一番熱誠諗住做戲，點知事實同所想嘅背道而馳，所以自己好唔開心同心灰意冷，仲好似俾人睇唔起咁，不過家諗通咗，知道要俾人認識，大家先會了解真正嘅我。」
JJ又自爆近日公司要求旗下藝人要注重形象，所以已下令不可單獨約會異性，令她錯過不少姻緣：「事實上都有啲圈中人想約我出街，當中有一、兩個我都有少少意思發展吓，不過最後斷晒啲姻緣。」
採訪、攝影：魯萍