前日港股唔見咗426點，噚日再跌194點收市，不過形勢已經轉穩，恒指上晝跌過落17710低位，逼近20線，呢個水平啲買盤積極好多，恒指跌幅逐步收窄，如果呢兩日升番上10日線樓上，可以初步確認技術調整完成。
國家統計局今日公佈5月份經濟數據，料對中港股市會有影響，大家要留意相關消息。
國壽C輪15342：國壽（2628）昨收29.10元，力守10日線，睇個勢股價可以守穩喺28元樓上，升破30元之後就睇32.50元，可以諗吓隻C輪15342。
隻輪現價31仙，2009年8月28日到期，行使價28元，溢價6.8%，引伸波幅46.6%，槓桿率9.3倍（有效5.7倍），正股升上32.50元，15342有機升上55仙，不妨吼位炒一轉，如果正股跌穿27.80元，就沽咗隻輪止蝕。
俊樺