旅發局主席田少愛揸靚車，座駕包括波子、法拉利等名車，可惜呢啲超級跑車喺香港無用武之地，田少同女婿參加法拉利為富貴車主安排嘅trackday，去珠海賽車場一顯身手，由專人指導如何駕駛超級跑車，盡情發揮跑車性能。
揸得法利拉非富則貴，兩日一夜trackday每位三萬蚊，不過貴得有道理，因為主辦單位提供埋跑車落場，包埋所有保險，車主唔使出動私伙。去完珠海，田少今年又參加PorscheTravelClub去法國南部自駕遊嘆美食美酒，七日超豪旅程每位約46,000港元，金融海嘯都一早爆棚，田少話好彩佢早報名咋。
揸跑車享受速度快感，坐叮叮慢遊係另一種樂趣，旅發局搵食家歐陽應霽寫咗本《「叮叮」香港電車地圖》，介紹電車路沿途美食，可以話係「土炮米芝蓮」。