隔牆有耳:澳門還有熱血人 - 李八方

隔牆有耳:澳門還有熱血人 - 李八方

下屆澳門特首係邊位?唔使水晶球都知係同商界關係密切嘅前澳門社會文化司司長崔世安,唔通會係打擊貪污不遺餘力嘅何超明咩?有澳門人對欽點式政治睇唔過眼,勇敢地用行動證明唔係個個澳門人都係順民。
只得兩名成員嘅澳門風散文詩研究學會最夠pop,會長周新政日前隻身求見崔世安,要求崔世安澄清官商勾結、利益輸送指控,同時為做官時辦東亞運浪費公帑認錯。周會長一腔熱血值得敬佩,但應該冇乜效果,坐定粒六嘅崔世安拒見周新政,周會長向澳門廉政公署舉報,但至今音信全無,唔使問阿貴都知點解。