身上散發淡淡的宜人香氣，總有一份無法抗拒的魅力。愛塗香水的台灣姑娘劉心悠，希望時刻都能散發出女人香，儘管她自覺對濃烈的香氣有麻痹感覺，但卻愛上adidas的FemaleMatrix止汗香水噴霧，令熱愛運動的她能將止汗與香水二合為一，在運動期間依然透出隱隱幽香。
向有塗香水習慣的劉心悠，香水的味道是用來襯衣服和反映情感，她對止汗香水更大感興趣，她說：「adidas有好多味，自己有幾個favour，海洋味同Fruity味我都好鍾意，感覺好清爽。我平時都鍾意搽香水，但開始聞唔到陣味，唔知係咪對香味麻痹，多數係身邊嘅人話畀我知香唔香。平日我會隨心情變化同衣着嚟襯番香水嘅氣味，香水都係一種accessory，只不過見唔到。」
腋下濕好尷尬
為免尷尬，心悠在加國求學時已開始塗止汗劑，她說：「我好耐之前喺加拿大讀書已經開始用，聞到汗味我會頂唔住，用完止汗劑會好舒服、好凉。雖然自己未發生過乜嘢尷尬事，但就從一個朋友身上領悟到噴止汗劑嘅重要性，記得有次喺餐廳，有個女仔朋友拎起隻杯，見到兩邊都濕晒，我覺得好尷尬。」
除了女士們要做足腋下止汗的工夫，心悠謂男士們也應注重，她說：「男仔運動量比較大，有時啲汗味耐咗，會產生化學作用，好容易會有菌，仲可能有皮膚病，唔使等到有男朋友，我家都會介紹畀男士用。」
增完肥急減磅
一直認為女仔偏肥才美的心悠，被大家公認是肥妹仔後，終開始其積極的減肥計劃，並克服了美食誘惑，她說：「之前我成日覺得女仔少少肥係好事，但大家都公認我真係要減肥，家有跑步、做瑜伽，唔食澱粉質，已經減咗一季，都有瘦到，但要workon。」
心悠化妝do's&don'ts
–愛淡掃蛾眉，只在一些地方加點點綴；
–眼部視為重點，最鍾意畫眼線，但不用水筆而用pencil，並且是browncolour；
–好少搽唇膏，因為搽完之後成日會食落肚，如果有太陽就會搽少少lipbalm，在家會做liptreatment；
–好容易會面紅，所以好少搽胭脂；
–今夏化妝潮流認為是nude與tan的世界，nude就自然，tan的話晚上襯gown同dress都OK。
RMK人氣產品之一的限量版SeparateCurlMascara，限定深紅與紫兩色，防水防油，塑造出持久鬈曲的睫毛，突出女士們魅力。
心悠認為眼部是化妝重點，因為一看雙眼就會知道精神狀態，日本化妝品牌RMK剛推出全新Ingenious系列，dark、brown、metallic跟shiny等共43種顏色眼影，跟silverrosepink、peach和holographicorange等26色胭脂互相配襯，單是想想如何配色，已經夠好玩。
採訪：LawWaiMan
攝影：ChenWaiOn
化妝：TiffanyofAnnieG.Chan
髮型：ChrisChengofILColpo
服裝提供：adidasbyStellaMcCartney
場地提供：Cucina（香港酒店）