港股近日腳軟，股海唔少人都話大市已經無力再升，甚至話唔少股份已出現大戶派貨迹象。
星俠炒股，唔會隨意估頂或估底，最近亦不時強調散戶呢一浪炒得盈利的話，不妨伺機套利享受賺錢之快樂。總之，散戶炒股要守紀律，而且決斷及動作要快，唔好拖泥帶水。
每逢大市來到調整階段，細價股走勢最敏感，但中策（235）一聲配股後勁升110%，收報0.255元，另一隻泓鋒（2309）配完股後亦照升，邊個話細價股炒完？
目標價0.5元
中國水業（1129）剛以先舊後新方式，以每股0.33元配售3.65億股，集資淨額1.17億元，擬用作未來業務發展及營運資金。
目前中國水業經營七間水廠，08年度成功扭虧為盈；公司早前股權及管理層出現變動，新股東及管理層過往在粵投（270）有營運水業經驗，憑此人脈關係，今次人事變動料對公司未來發展有正面作用；相信後市未炒完，伺機買入，目標0.50元，以0.28元止蝕。
方星俠