【本報訊】被父親形容為性格內向的19歲青年，自去年底工作的壽司店結業被遣散後，失業半年來終日上網打機成隱蔽青年，昨清晨突從上水寓所梯間高處墮下，頭爆身亡，近年始與兒子改善關係的父親認屍後慨嘆：「我都唔知有冇畀過壓力佢！」他相信愛兒因抵受不住失業的壓力尋死，並寄語時下年輕人要逆境求存，珍惜生命。
失業後變隱蔽青年
懷疑因失業輕生青年黎建宏，今年農曆八月十五生日才滿20歲。阿宏被父親暱稱Kevin仔，Kevin有兩姊，為家中孻仔，與家人同住上水天平邨天喜樓16樓一單位，父母數年前因意見不合分開，但保持良好關係。
黎父稱，Kevin仔為人內斂，不懂表達自己，但脾氣火爆，兩父子性格相近，卻成溝通鴻溝，以致彼此關係欠佳。據悉黎家一名從事殯儀的親友在沙頭角流水響村屋自設宿舍，收留與家人關係欠佳的問題青少年，以便雙方暫時分開避免衝突。Kevin仔中一時便入住該宿舍兩年，更成佛教俗家弟子，自此Kevin仔與父親關係轉好。
Kevin仔中三輟學，曾做過運輸，其後在壽司店任學徒，惟受金融海嘯影響食肆去年11月結業，Kevin頓成失業大軍，自此他終日在家上網打機，曾試過最長10日未有外出，連買煙亦由家人代勞。
黎父稱，前晚Kevin表現並無異樣，「晏晝我仲買咗個飯盒畀佢食，夜晚仲講笑叫佢煮飯。」晚飯後Kevin曾外出不久便返家，豈料昨晨5時許，Kevin仔趁家人熟睡，在天喜樓30多樓梯間一躍而下，飛墮地面，頭部爆裂當場死亡。警員登門調查，黎父方知愛兒噩耗，他到場認屍時見愛兒臉容扭曲，不禁喟嘆：「呢個我自己個仔嚟㗎？」仵工搬走屍體時，黎父說：「安心上路啦，仔呀！」
黎父形容Kevin仔為人生性，「我都好明白家時勢好難搵食，我都有建議佢讀番書，或者學門手藝，唔好成日坐喺屋企，我唔會大聲哦佢，又唔會催迫佢，我有冇畀過壓力個仔，我自己都唔知！」
全家靠數千元過活
黎父任揸船及廢料回收，惟開工不足，月入僅4,000元，全家靠次女數千元月薪維持，Kevin的殮葬費亦成問題。黎父直指政府對雙失青少年支援不足，並語重心長期望青年人要逆境求存，勿輕易放棄生命。蘋果日報慈善基金了解黎建宏家人的經濟困境後，即從「殮葬專戶」撥款2萬元予黎父處理其子的身後事。
黎父感謝《蘋果》熱心讀者的支持。
（「黎建宏遺屬」捐款編號：C2769，網上捐款： http://charity.appledaily.com.hk/donate）