花旗炒加息，港股噚日借勢回落，恒指跌咗426點收市，收18253，氣氛好似轉淡咗，但係成交縮減，股民都係觀望居多。
恒指挨近10日線，睇個勢暫時唔會有大變動，不過即市走勢仲會好反覆。花旗嗰邊，將公佈還錢畀政府贖身嘅銀行名單，可能會借勢炒番轉。
中移動C輪15240：中移動（941）昨收79.30元，升0.06%。滙控（005）俾人插，中移動成為托住大市嘅主力，如果踢上去，有機會升上92至96元，可以諗吓隻C輪15240。
隻輪現價12.7仙，2010年4月26日到期，行使價81.88元，溢價19.2%，引伸波幅48%，槓桿率6.2倍（有效3.4倍），正股升上96元，15240有機見23.4仙，有近8成半升幅，就算正股升到92元受阻，都有6成升幅，正股跌穿74.50元，就沽咗隻輪止蝕。
俊樺