阿根廷前鋒泰維斯雖然喺曼聯嘅前途仍然懸而未決，但似乎無損佢嘅心情，最近就話想自薦參加英國一個類似《舞動奇蹟》嘅電視真人騷《StrictlyComeDancing》，仲話會大跳阿根廷嘅「國舞」探戈，佢講：「我可以令觀眾知道乜嘢先叫做真正嘅阿根廷舞蹈。」不過，泰維斯亦知道，無論佢替邊隊球隊效力，領隊都未必批准佢花咁多時間練舞同參賽。我求大俠雖然未睇過泰維斯跳探戈，不過睇佢為某電視頻道拍宣傳片時大跳Cumbia節奏感十足（ http://www.youtube.com/watch?v=ZSrPIcnZbAg），相信如果佢參賽，贏面都好大。