上禮拜港股可以用反覆兩個字形容，先升後跌同埋先跌後升嘅走勢令唔少人中伏，睇嚟呢個禮拜大市都唔會平靜。
技術上港股喺高位靠穩，10日及20日線升緊上嚟，個勢幾靚，兩條線嘅支持力應該幾可靠。上周五晚花旗股市微升，有利今朝港股走勢。電力股剛發力，可以留意。
大唐C輪15914：大唐（991）上周五收4.64元，升7.1%。股價破旗炒上，有大成交支持，睇個勢可以上試5.30元，破位就睇6元，可以諗吓隻C輪15914。
隻輪現價18.8仙，2010年7月28日到期，行使價4.28元，溢價32.7%，引伸波幅96%，槓桿率2.4倍（有效1.7倍），正股升上6元，15914睇29.1仙，正股跌穿4.05元，就沽咗隻輪止蝕。
俊樺