公民黨陳淑莊（Tanya）噚日出席城市論壇，大談保護樹木心得，仲話嚟緊諗住交份意見書畀管樹大隊長唐唐，等佢做好份工。由於天氣太熱，論壇常客維園阿伯數量大減，部份人更熱到頂唔住，提早離場。但作為嘉賓嘅Tanya點都要撐落去，惟有破天荒以露膊低領造型上陣。
Tanya喺節目後有啲尷尬咁話，平日唔會着成咁，但實在太熱，仲話「都掙扎咗一輪」，先把心一橫唔着帶嚟嘅外套。但佢同八方講唔夠兩句，有港台職員就催Tanya快啲走，因為警察要睇住佢安全離場，免得佢被維園阿伯騷擾。其實後生女大熱天時着得凉爽啲好平常，估唔到演話劇都冇怯場嘅Tanya外表open，着衫咁保守。