林子祥最後一場「十分十二子祥」演唱會前晚在紅館舉行，吸引羅康瑞和朱玲玲夫婦、周慧敏及過氣情侶鄭伊健與梁詠琪等到場欣賞，不過鄭伊健和梁詠琪前後腳入場，所坐的位置也相距甚遠，完全沒碰面機會。林子祥完騷後與妻子葉蒨文（沙麗）齊齊出席慶功宴，沙麗更代唱到失聲的阿Lam接受訪問。
一連兩場「十分十二子祥」演唱會前晚在紅館落幕，捧場明星名人包括羅康瑞與太太朱玲玲、周慧敏、胡楓、王家衛及過氣戀人鄭伊健和梁詠琪。不過鄭伊健和梁詠琪一先一後到場，加上所坐位置可謂天各一方，故此二人無緣見面。
側田黐鬚撐場
前晚擔任表演嘉賓之一的側田黐了假鬍鬚出場，他說：「頭先有人話我似SuperMario。」不過觀眾沒有太大反應。側田又稱呼阿Lam為UncleLam，阿Lam說：「你撇鬚掉轉咗呀，呢個後生仔真係好得意，第一次見到我，佢就走埋嚟畀個銀包我睇，入邊原來有我張相，究竟你銀包仲有邊個張相。」側田指銀包還有媽媽的照片，阿Lam即笑言：「你當我係爹哋呀。」
演唱會後阿Lam與太太葉蒨文、兒子及母親一同出席慶功宴，阿Lam經過兩晚演出後已「唱到無聲」，故他在慶祝儀式上沒與司儀對話，事後又透過工作人員表示不接受訪問。
後來記者追問阿Lam是否太疲倦？他只點點頭，沙麗即代丈夫說：「你問佢乜嘢都係點頭同擰頭。」其後阿Lam到台上與工作人員合照時，問沙麗聽到阿Lam對她唱有「我愛你」的歌詞會否很冧？她笑說：「乜嘢呀？儍嘅，你哋冧啲。」
堅稱關係不變
再問沙麗連續兩晚捧場是否為粉碎婚變傳聞時，她說：「無論傳聞係點，我每次都會企喺控制台。」之後便做出拉拉鏈手勢示意封嘴不談，但提到阿Lam日前在訪問中大讚她以及指二人的感情昇華，沙麗即笑笑口說：「咁好呀，想博我講嘢呀，ThankYou。」
採訪：駱華齡
攝影：葉君海