男子組合ILoveUBoyz（艾粒）噚日喺旺角以代言人身份宣傳飲品，雖然活動喺正上次高空擲鏹水彈嘅位置進行，不過就移師入室內，唔怪得佢哋猛話唔怕，而且仲話有咁多人、又有警車喺度，所以覺得好安全。講到今次嘅酬勞，艾粒話係入行以嚟最高嘅一次。佢哋遲啲仲會同農夫搞音樂會，到時會有神秘嘉賓，不過唔會係陳冠希（小圖），費事俾佢搶鏡喎！