「一連兩場十分十二子祥」演唱會前晚於紅館舉行，一直有傳與林子祥（阿Lam）婚姻亮紅燈的葉蒨文都有到場支持。阿Lam更於觀眾席即興捉了陳奕迅（Eason）上台，踢拖到場的Eason更被取笑其打扮似剛剛睡醒，又被指全身肉，笑爆全場。
林子祥前晚於紅館舉行個唱，妻子葉蒨文都有現身支持，二人婚姻亮紅燈之說不攻自破。阿Lam的兒子也有到場，他與父親一樣留有二撇雞，十分搞笑。前晚到場看騷的嘉賓包括有許志安、陳奕迅、蘇永康、黃耀明、鄭經翰夫婦等。
歌獻偶像石堅
阿Lam演出時看到台下的Eason，他即說：「今晚有條友喺度，陳奕迅你想唔想唱歌呀？我等咗你幾個禮拜，打電話畀你問可唔可以一齊唱歌，你又唔打畀我。」接着阿Lam便邀請Eason上台，當見到Eason一身T恤牛仔褲配人字拖打扮時，忍不住說：「你啱啱喺度瞓覺呀？」Eason笑言：「呢身打扮2010年會好興㗎。」在旁的阿Lam即笑說：「我到時都唔知仲喺唔喺度。」二人合唱一曲《數字人生》，搞笑的阿Lam與Eason相擁後說：「你個身都好多肉呀！」
此外，阿Lam前晚想起幾位已去世的樂壇好友相當感觸，他獻唱《十分十二吋》後指着台下的座位說：「我記得廿幾年前唱呢首歌，當晚好多人，嗰度坐住籮記（羅文）、梅姐（梅艷芳）就坐嗰邊、哥哥（張國榮）就坐嗰度。」現場觀眾即時嘩聲四起，阿Lam續說：「連我唯一偶像都去埋，堅叔（石堅）都去埋，佢係最好人最好人嘅壞人，我同佢拍過戲，佢係niceguy，我好掛住佢。」之後阿Lam以一曲《邁步向前》向石堅致敬。
籲抱緊眼前人
阿Lam表示於紅館發生過很多事，他記得最後一次見到梅姐以及聽到其歌聲都是在紅館，他更叫在場觀眾要抱緊眼前人。當阿Lam演繹《情深再別提》時，他感動得熱淚盈眶。最後阿Lam請出新一輩歌手中他認為最唱得的張敬軒出場，二人合唱了《相對論》。
採訪：胡比
攝影：陳順禎
