今年7.1有個名不經傳組織捍衞人格尊嚴協會又搞遊行，又係喺維園集合出發，康文署叫民陣同呢個會拆掂佢，據八方了解，雙方已協議，民陣用足球場做集合場地，協會則在維園草地集合，河水不犯井水。
六四燭光集會維園滿瀉，李卓人話如果7.1都逼爆足球場，唔理得咁多都要佔用埋草地，民陣星期四會同警方開會，商討遊行安排，由於六四晚警方「疏導」市民唔好逼入維園，八方要求民陣同警方講清楚，7.1要盡量協助市民進入維園集合後出發，唔好再阻頭阻勢。
7.1在即，民主黨范國威設計咗四款遊行白tee，其中一款係踢走煲呔「曾蔭權不代表我」最應景，T恤每件70蚊，有興趣可電郵mailto:[email protected]購買。