嫁入豪門做少奶奶係唔少女星嘅終極願望，李嘉欣、黎姿、徐子淇以及未入門先生仔嘅梁洛施呢啲成功例子，一再證明nothingisimpossible。鑽石王老五數量有限，要mark最緊要快，呢方面「紫衫」出晒名進取，佢但凡去ball都着得好「行」，喺場內彩鳳咁巡來巡去搵目標，一睇啱就出擊。
枱底出腿功
試過有次，紫衫中一個總理，雖然唔係至top富豪，但漁翁撒網嘅紫衫自然唔放過機會，即刻上前傾偈坐埋隔籬，傾吓傾吓，紫衫不斷喺枱底用腳掃總理嘅小腿，撩來撩去挑逗佢，非常狼死，點知總理女友就喺附近，見男友俾人媾緊即刻發功，大庭廣眾對紫衫話：「你撩夠未呀？」紫衫惟有面懵懵借頭借路離席走人。
Textby關仁
