【本報訊】香港人創下20萬人悼念六四的歷史紀錄，改變不了否決平反六四議案的保皇派議員。民建聯昨日先有議員稱集會人數「冇乜特別」，再有黨員以新國殤之柱「有爭議性」為由，反對立法會接收。有民主派議員直斥民建聯違背良知，「呢個黨係冷血到一個地步，認為當年呢批年輕人唔值得我哋悼念，唔值得我哋傷心。」
反對新國殤之柱放立會
近日對六四事件封口的民建聯，昨日就六四集會人數開腔。民建聯李慧琼指六四集會人數創新高，只是適逢六四事件20周年，「我覺得冇乜特別」。至於會否令中央改變對六四事件定性，民建聯葉國謙指：「中央早前已有發言人講咗中央嘅睇法。」他亦表明不會改變該黨對六四看法，並堅持反對立法會接收名為「民主的碎片」（TheFragmentofDemocracy）的新國殤之柱立場，「將一個咁有爭議性嘅嘢放喺立法會，我哋認為唔適宜。」
對於港大民調和六四集會人數顯示社會主流支持平反六四，令人質疑民建聯反對接收新國殤之柱所指的爭議為何時，葉只說：「有爭議性就係有爭議性。」同樣反對平反六四議案的工聯會黃國健就指，曾蔭權的六四言論「唔係好惹火」，但對集會人數就有少少影響，「社會上有唔同聲音，有啲人就覺得要行出嚟，堅持自己嘅睇法。」問到曾蔭權應否公開收回六四言論，黃就指「曾蔭權再出嚟，只會再刺激起啲人，覺得可以爭取多啲嘢。」
張文光：呢個黨係冷血
民主黨張文光力斥民建聯違背良知，認為並無理由阻止立法會接收新國殤之柱，「呢個黨係冷血到一個地步，認為當年呢批年輕人唔值得我哋悼念，唔值得我哋傷心。」