梁洛施暫離水銀燈生活專心湊囝囝，雖然她在娛樂圈打滾日子不長，但07年曾憑彭浩翔執導的電影《伊莎貝拉》，成為第27屆葡萄牙波圖國際電影節影后，一鳴驚人。
「佢好有主見」
作為Isabella的伯樂，彭浩翔昨日在電話中大讚她年紀輕輕做媽咪勇氣過人，他說：「佢係個好有勇氣、好有主見嘅人，最主要係搵到自己嘅方向。」又表示與Isabella一直有聯絡，但從未聽她提及懷孕一事，彭浩翔說：「都係睇報紙先知佢生咗BB，但唔意外。平日大家都係朋友傾吓偈，感情事冇乜點講，我都會sende-mail祝福佢。」若她返港則會相約見面。
Isabella為李家一索得男令人艷羨，彭浩翔打趣說：「我都好羨慕，我都想坐月。」問他對Isabella有何寄語？他說：「過自己想過嘅生活啦。」將來會否游說她復出拍戲？他說：「冇得游說，演藝事業係人生好細嘅部份，仲有好多嘢嘅，Isabella搵到自己嘅幸福戥佢高興，拍戲咁辛苦做乜吖？雖然我都好希望同佢再合作。」
採訪：葉雪