前日港股先升後跌，噚日走勢調轉，上晝先插，晏晝抽高，恒指雖然跌73點收市，但已挨近全日高位，日線圖現錘頭，已具備反彈條件。
花旗股市前晚下跌收市，但係技術調整可能已完成，噚晚踢上嘅機會唔細。資源股噚日炒個別，但整體大勢仲好好，可以繼續炒作。
中鋁C輪16132：中鋁（2600）昨收8.23元，跌0.96%，現價同支持位好近，噚日低位有強大支持，若掉頭炒上有機會試10.40元，可以諗吓隻C輪16132。
隻輪現價30仙，2010年2月25日到期，行使價6元，溢價9.3%，引伸波幅69.9%，槓桿率2.7倍（有效2.1倍），正股升上10.40元，16132睇48.3仙，正股跌穿7.40元，就沽咗隻輪止蝕。
俊樺