1歲的小Sophie昨晚穿上「20年來……忘不了」的T恤，由爸爸媽媽帶到維園，參與生命中第一次的六四燭光集會。小小的她不怕揚聲器的聲浪，還隨着大會歌唱起舞，媽媽沈太說，正因為本港教科書沒有六四歷史，「我就要由佢1歲開始教，等佢認識六四嘅真相」。昨晚有不少父母都因為擔心下一代無法從教科書上認識六四，特意帶子女出席燭光集會。
出年教佢唱《自由花》
Sophie的父母以往每年只要毋須上班，就必定參與六四燭光集會，要求平反六四。今年適逢20周年，雖然囡囡只有13個月大，但媽媽希望女兒從小就知道六四的真相，所以昨日無懼維園的人潮，兩夫婦抱着小女兒到場，「Sophie可能今年唔知大家做緊咩，但我希望帶佢嚟感受吓氣氛，出年佢兩歲，我會教佢唱《自由花》。」
8歲讀二年級的吳同學，昨晚第一次參加集會，母親吳太是因為不滿港大學生會前會長陳一諤對六四的言論，擔心下一代會對六四一無所知，激發她帶兒子來參加集會，「我先生喺89年嗰時，全校會一齊睇六四嘅新聞，一齊睇住電視一路喊，唔係家連教科書都唔敢提六四；我認為每一個人都有責任教育下一代認識六四」。吳同學說：「雖然我唔係太過明白，但我知六四係一件好慘嘅事，好多人死咗，政府唔應該用坦克去壓死啲人」。
年輕人歪理母親憤怒
至於7歲的葉晉誠是母親第二次帶他來紀念六四，葉太說孩子對六四有很多疑問，「佢會以為啲人流晒血（相片）係合成出嚟嘅，唔知係唔係事實，今晚佢嚟咗之後，佢更加相信係真嘅。」能讓孩子認識六四，葉太感到很開心，對近來有些新一代年輕人對六四的歪理感到極之憤怒。
本報記者