黎耀祥昨日於新城電台接受由薛家燕主持的節目《智慧創富》訪問，家燕姐大讚祥仔好戲。對於有報道指家燕姐曾經找風水師俞志麟延壽12年，她昨日否認識此人：「我根本就唔識佢，亦都冇搵過佢，我信基督教只會祈禱，唔信種生基，呢啲江湖術士真係亂講嘢。」
家燕姐自言相信醫生多過風水師，她說：「佢講嘅嘢可信程度有幾高，仲話喺爭產案上做證人，而且又話我約佢飲茶去睇點過呢一關，我要約都約醫生去問點過呢一關喇。」問到家燕姐可會發律師信告對方時，她說：「唔會！我家咁講對佢嘅影響咪仲大。」
家燕姐與祥仔又表示多做善事比任何事都重要，祥仔說：「你睇六叔（邵逸夫）就知喇，百幾歲，做多啲善事咪得囉。」
採訪、攝影：王崇穎