古天樂、徐熙媛（大S）同動漫Maggie李曼筠噚日喺香港仔珍寶海鮮舫以古裝扮相出現，宣傳王晶執導嘅新戲《大內密探零零狗》。雖然主角係古仔同大S，不過動漫Maggie一身低胸宮女打扮就非常搶鏡，成為焦點。
大S接受訪問時好大方咁話自己冇本事着動漫Maggie套衫出場，佢講笑咁話：「剛剛那個沒有辦法穿，就算穿起來中間（胸部）都是空空的。這個工作就交給她吧。」
大S撐硬栢芝
對於陳冠希（Edison）準備復出而好友張栢芝就表示原諒Edison，大S話會支持好友嘅任何決定喎。
至於動漫Maggie對大S表示冇身材着宮女裝就好謙虛咁話：「唔會，大S都好靚女，仲好有氣質，唔會搶到佢風頭嘅。」動漫Maggie話第一次拍古裝仲要去到橫店，所以覺得好新奇，但就樂極生悲，佢話：「去咗影城好多佈景參觀，掛住睇搞到仆親，仲跌瘀咗隻腳。」
