名模周汶錡（Kathy）16歲開始扮靚護膚，煉製出不少扮靚秘方，她更笑言在家中，護膚品不是她的專利，男友比她更奄尖。Kathy向來特別注重眼部護理，為保護她靈魂之窗落足功夫，其中UltimaII的Extraordinaire純膠原蛋白眼部再生昇華組合，有mask有精華，最合Kathy心水。Kathy又希望以自己的秘訣心得集結成書，與眾愛美的讀者分享。
秘訣1
「水份好重要，曾經試過做主持嚴重缺水，個人好緊張，皮膚有水先會有彈性。我鍾意飲湯同飲水，煎炸嘢好少食，生冷嘢都戒咗4、5年，多食雪耳、蛋白骨膠原、木耳會對女性皮膚好好，令到個人更加有光彩，導演有時會話我油，但其實係個人嘅光澤。」
秘訣2
自覺雙眼保養尤為重要，Kathy敷eyemask有一套心得，她說：「先將精華搽喺眼袋，唔可以太大力，用無名指輕輕按摩，吸收咗之後再溫柔地敷mask，再塗多一層精華，可以每日做就最好，唔係一星期三次真係好見效。」
秘訣3
日光的照射、空氣的污染，容易令皮膚顯得粗糙，失去光澤，Kathy深深體會說：「16歲我已經開始做facial，清潔係好重要，平時空氣污染，所以每日一定要清洗，唔可以懶，仲要定期做深層清潔，咁先可以將啲好嘢吸收。女仔鍾意靚，我乜護膚品都試過，唔好理平定貴，最緊要揀適合自己，所以最好就係拎sample，可以環保啲，啱先買。」
採訪：LawWaiMan 攝影：EdwardChou
場地提供：HabituRistorante（TheGarden）