「阿蘭死後3日，我已依照海南傳統做咗『過八字』儀式，即是我哋已經係夫妻嘞。」23歲內地女子徐彩蘭因整容慘死手術枱上，其港人未婚夫楊先生表示，他將會以「丈夫」身份為「妻子」辦理後事。楊哽咽地說：「佢嘅骨灰會安放喺深圳，但我會帶佢啲遺物返香港，我會帶佢過關，同佢講呢度就係香港，呢度就係我哋嘅屋企。」
「佢一直想嚟香港，佢係想嚟睇吓我住嘅地方；佢話嚟幫我執屋，嚟煮飯畀我食。」楊先生翻開未婚妻3個月前獲發的來港旅行證件時說：「呢本證件可以嚟香港兩次，但佢唔捨得用，佢話等我最需要佢時先嚟香港。」楊透露，早已盤算好未婚妻來港後，他會第一時間帶她去海洋公園及迪士尼樂園遊玩。
「佢話要做最靚新娘」
3年多前，楊在深圳經朋友介紹認識了當時未滿20歲的徐彩蘭，當時阿蘭在時裝店當售貨員，其後轉到寵物店工作，「阿蘭好純，好天真；我哋識咗冇耐就拍拖；深圳世界之窗、大小梅沙、番禺等，都留下我哋甜蜜的足迹。」兩人因性格合拍，興趣相近，很快就共賦同居。
楊早前安排父母到深圳見女友，父母當場答允替兩人今年底在港擺喜酒，「我哋憧憬將來會好幸福，佢話將來落到香港會同我一齊捱世界……其實我家嘅收入都可以養家，我唔會畀佢捱苦。」楊又說：「佢成日同我講，要做我最靚嘅新娘；估唔到一個小小手術就咁冇咗個老婆。」
「我家仲未接受老婆已經死咗；呢幾日，晚晚睇住我哋嘅合照嚟喊，喊到攰先可以瞓。」楊說：「呢幾日我都喺醫院門口抗議，一定要同老婆攞番個公道。」
本報記者