由鄭中基主持的《美女廚房》前晚錄影最後一集，原本鄭中基的新歡舊愛有機會同場，不過最後就只得楊千嬅赴會，她直認見到鄭中基很驚，因擔心自己會毒死對方，鄭中基前晚和千嬅就成為嘲笑對象。
楊千嬅、江若琳和王菀之前晚擔任《美女廚房》嘉賓，據鄭中基透露原來前晚是節目錄影的最後一集，之前蔡卓妍（阿Sa）曾表示會擔任嘉賓，但前晚卻不見其影蹤，提到新歡舊愛有機會到場，鄭中基說：「本來今集有阿Sa，但最後冇嚟，唔係因為千嬅，因為向來都有請千嬅。」
中基體貼千嬅
千嬅和鄭中基這對過氣情侶前晚成為眾主持人及評判的取笑對象，令一向口舌不饒人的鄭中基也毫冇反擊力，惟有嘲千嬅炮製的第一道菜「肉丁雞子炒年糕」簡稱為「丁子高」。千嬅出場時直認見到鄭中基很驚，因擔心自己會不覺意毒死他，不過鄭中基表現體貼，見千嬅險些滑倒即細心相扶，又負責介紹千嬅出場。
不滿被喚阿嫂
擔任評判的錢嘉樂抵死稱千嬅做阿嫂，千嬅即喊「啋過你」，錢嘉樂取笑說：「你兩個咁好傾，當初就唔使……（指分手）。鄭中基越食越傷心，如果餐餐食都願啦，你走寶！」鄭中基只得唯唯諾諾說：「願呀！願呀！的確係有驚喜。」錢嘉樂又說：「梗係驚喜啦，冇晒仇恨。」
另外，近日千嬅被指「種生基」增加奪獎機會，她否認說：「我只係識鄭中基，係都種米啦，學柴九話齋揸住大鎖匙先值錢，攞獎冇咁易，亦都冇不勞而獲。」她又透露有聯絡契細佬陳冠希，並指他成熟了不少，至於陳冠希自爆曾因淫照事件而哭時，千嬅力撐說：「當年發生事會好大困擾，過咗去人生又一新開始，學柴九話齋人生有幾多個十年。如果佢返嚟嘅工作係公益同慈善，佢都係履行緊當日嘅承諾。」
採訪：王崇穎
攝影：黃偉雄