青年發展網絡召集人呂智偉指香港市民捐錢支援北京學運令事件變質，又質疑學生手持武器攻擊解放軍，昧於歷史言論令人震驚，一個新成立組織「歷史青年聯盟」向呂智偉下戰書，邀請佢再出席論壇，辯論六四真相，不過英雄帖發出兩個星期都未獲回音，呂智偉忽然玩失蹤。
唔敢面對歷史，玩龜縮都冇用，歷史青年聯盟噚日踩場，去到青年發展網絡位於跑馬地嘅竇口，登門搵呂智偉，點知去到發現重門深鎖，無厘聲氣，歷史青年聯盟尋人不果，將一幅「縮頭烏龜」橫額掛在門外諷刺呂智偉。玩隱形嘅仲包括港大學生會落台會長陳一諤，近日都玩龜縮；「扮代表」嘅煲呔近期亦謝絕公開露面，愧對香港人。