香港人心不變，天氣卻變幻無常，好多人關心今日天氣，擔心燭光集會受惡劣天氣影響，八方唔識亦唔敢預測今晚有冇風雨，不過歷史證明，香港人參加六四燭光集會絕對係風雨不改，過去19年六四燭光集會，並唔係年年好天，90年雖然落傾盆大雨，有150,000人參加。
繼續高呼平反六四
98年天氣最惡劣，雷電交加，集會要提早結束，但由於係回歸後首次燭光集會，所以有逾40,000人出席；01年燭光集會喺雷暴警告下舉行，當日日間橫風橫雨，好彩黃昏時天氣好轉，結果集會喺陰霾下舉行，當年有48,000人到場；05年天氣亦唔係幾好，45,000人無懼風雨去到維園，繼續高呼平反六四。
今晚天氣如何只有天知，六四何時平反亦天曉得，總之風雨不改20年，今晚維園見。唔能夠去維園嘅市民，香港人權監察請大家在家監察各電子傳媒如何報道燭光集會及六四新聞，如發現有自我審查、閹割、狗噏，可電郵舉報mailto:[email protected]