新一代香港女性除敢作敢為外，她們也敢言。繼落選港姐Lucy以英文信炮轟無綫港姐評判團不公和不禮貌外，另一名落選佳麗、自稱是銀行家的Michelle昨日也爆料指面試時某評判的提問有離題之嫌，更表示落選唔緊要，大可做模。
無綫近日安排港姐進行面試，但初選階段已是非不絕，有自稱18歲的Lucy日前寫英文電郵到本報，狂插面試時遭無綫評判團的不公平對待，Lucy力數有評判對參賽佳麗沒禮貌，雖然冇指名道姓，但矛頭直指無綫製作資源部總監樂易玲。
男友陪伴左右
Lucy除了不滿評判揶揄她的英文差，勸喻她回去多讀幾年書外，她又替擺心心甫士的另一位佳麗抱不平，Lucy爆料指評判取笑該名佳麗面試時，在頭上插花的比堅尼look，評判笑問她平時可是這樣打扮。記者昨日聯絡了擺心心甫士的佳麗見面，她是23歲的Michelle，自稱銀行家，並由一名男子陪同接受訪問。Michelle雖然落選，但她情緒平靜，不如Lucy般偏激和火爆，Michelle覺得塞翁失馬，焉知非福：「當初以為參選港姐可以增加人生經驗，家唔選都未必係損失，好多朋友建議我去做模。」
Michelle估計自己崇尚的日本妹打扮，並不合評判審美標準，她說：「當時我着泳衣係喺個頭加咗朵花，只係想增加夏日感覺，點知唔啱評判口味。」
質疑評判質素
Michelle只肯讚現場的男評判團對參賽者態度友善，至於女評判則不敢恭維，言語間似暗示樂易玲，Michelle說：「現場有個佳麗面試時，佢咁啱讀埋馬賽同一間學校，點知嗰個評判就猛問佢關於馬賽啲嘢，好似追問佢哋兩個識唔識？又問參賽佳麗跟邊個教授？我覺得點解評判焦點唔係集中番喺參賽女仔身上，而係同馬賽有關？」
對於Lucy主動向傳媒炮轟無綫，Michelle說：「我覺得佢好敢作敢為，好有正義感。」不過，Michelle坦言都要經過一番理解，才明白箇中內容，她說：「佢呢啲係msnlanguage。」
採訪、攝影：比華利
