余安安幼女李文騫（Sasha）自小受母親薰陶，13歲已開始愛上化妝扮靚，安安也傳授獨特的護膚心得，教導女兒用化妝品也要節儉環保，將眼藥水滴入變乾的mascara內再用、快用完的唇膏可用metalstick取出，令Sasha相當佩服。
余安安現年18歲的幼女李文騫平日外出或上學都喜愛化妝，13歲開始已跟母親余安安學習化妝扮靚，一化起妝便停不下來，小時候，她跟胞姊李文琪和母親更會一同化妝，就像愛美的三姊妹一樣。
至愛畫眼線
Sasha說：「媽咪成日都會教我哋化妝，仲會有好多貼士畀我哋，好似教我哋搽mascara時要由下而上擦動，我最鍾意係搽mascara同畫eyeliner，用黑色對眼睇落會大啲、誇張啲，自己好懶，用呢隻電動嘅mascara真係好快，一陣就可以出到街。」
余安安keepfit了得，經常傳授護膚之道給愛女，Sasha早已擁有一套自己的護膚心得，她說：「其實最重要係保持皮膚清潔，每日都要徹底清除化妝，尤其係眼部，我會用化妝棉搽上makeupremover，蓋住雙眼20秒，化妝品就會好快清除。媽咪又教我mascara用到乾咗，可以滴幾滴眼藥水入去，可以慳好多。」
以母為目標
今年將赴美入讀SantaMonicaCollege的Sasha，因緊張學業導致皮膚變差，令她十分困擾，她說：「讀書都會令到自己有壓力，有時會生暗瘡，所以要好注意飲食，例如飲多啲水、食多啲菜，同埋出街一定會搽防曬，我都好jealous媽咪，如果我到咗媽咪嘅年紀都可以好似佢咁靚，我會好開心，所以家會好聽媽咪話，保護自己皮膚。」
SashaHighlights
蘊含乳木果與檸檬油等天然物質的JuicyTubesP.U.R.E.唇彩，色彩柔和，加入精良與高效的護唇科技，長期令櫻唇保持滋潤，Sasha十分喜愛，她說：「我好鍾意笑，用咗之後有種清新感覺，我鍾意喺夜晚用，加上係有機，家好興。」
世界第一款專為亞洲女士研發的微振電動睫毛膏，其縱向微幅振動系統每分鐘振動達7,000次以上，令雙眼能瞬間放大，加上採用微型電機可重用電池，既環保又快捷，Sasha因此也盛讚用這電動睫毛膏話咁快就可以出街。
採訪：LawWaiMan
攝影：ChanShunChing
化妝：NicoleLauofLancome
場地提供：Redbar&restaurant