港股結束三日升勢，恒基地產（012）主席李兆基接受本地傳媒訪問時重申，資金暫時未有撤走，昨日跌市只屬調整，大市仍處於上落市格局，他的港股投資並未在高位減持，維持恒指升抵二萬點，才開始減磅的看法。
對於近月港股暴升，四叔揚言：「現時係外國資金市，熱錢令到股票上上落落，這些基金之前因害怕金融海嘯，所以唔敢投資，持有大量現金。近排市況回升，這些資金無出路，嚟咗香港，所以香港啲股票表現好好。」
上月恒指見萬七點時，四叔強調仍合理，惟港股近日突破萬八，曾自嘲為「冒牌股神」的他，卻未有正面評論現況，「家資金未走，唔需要太驚，走嘅時候要睇定啲，估計二萬點樓上先至走」。
「熱錢走，我就走」
四叔續稱，他暫時會按兵不動，「家唔做嘢」，不買不賣。因為先前已經於萬四至萬六點陸續入貨（萬二點開始買）。至於何時離場，四叔維持上月建議，「二萬點會減持小部份，總之，資金走，我就走。」
四叔又提醒，「未來通脹會很厲害，銀紙貶值，要揸住啲cash（現金），有機會出現金融海嘯第二波……等啲資金走，股市跌咗落嚟之後，會攞套現咗嘅錢長揸優質股票，例如香港同埋內地地產股，石油及煤炭等資源股。」