淫照男主角陳冠希（Edison）近日接受CNN節目《TalkAsia》訪問，為無限期退出重新解畫，為復出鋪路。Edison的新言論不但沒支持者，反給人沒口齒和捉字虱感覺，圈中人昨日異口同聲譴責他食言，袁彌明斥他在別人傷口挖瘡疤，而張堅庭則指Edison去年鞠躬道歉的誠意立即一筆勾銷。
娛樂圈去年爆出淫照事件，男主角陳冠希事發後曾召開記者會向大眾道歉，他當時以英語表示無限期退出香港娛樂圈，言猶在耳，Edison近日接受CNN訪問，他解釋「無限期」定義可是5分鐘，也可是2,000年。
「咁做好有問題」
一向敢言的袁彌明力斥Edison食言，她昨日在電話說：「佢搞到咁大件事，事後向全世界嘅人道歉，講到天花龍鳳，但家又反口，係咪男人嚟㗎，講過啲嘢又唔算數，我覺得佢咁做好有問題。Edison返出嚟有得撈，但佢有冇諗過其他受害女人，係佢令到人冇得撈，佢家咁樣做，絕對喺人哋嘅傷口挖瘡疤。」
導演張堅庭昨日看完Edison為雜誌拍的照片，背部滿佈傷痕和雙手被扣，他昨日在電話說：「睇完啲相好令人反感，最初大家可以體諒佢都係受害者，但家越講越多嘢，好有宣傳意味，佢嘅行為好有問題。」就Edison為退出期限解畫，張堅庭說：「佢咁講，咁佢以前鞠躬道歉立即一筆勾銷。」
淫照女主角張栢芝的經理人Emily表示不會就事件回應，栢芝老爺謝賢昨日在電話聽到記者提起Edison，他即勞氣說：「唔好問我佢啲嘢，我都唔識呢個人。」
鍾欣桐（阿嬌）經理人霍汶希（Mani）、英皇藝人鄭希怡（Yumiko）和洪卓立，昨日和湯怡、周秀娜及莊思敏在銅鑼灣出席宣傳，談到Edison言論，Mani說：「冇必要喺人哋傷口灑鹽，每個人有自己選擇權利。」她指阿嬌已沒看這些新聞，不會不開心。Yumiko認為大家你一言，我一語，事件就永沒完結，她說：「件事我哋都講咗成年，唔想再評論。」
莊思敏：咪扮乖仔
對於Edison承認淫照不只1,300張，Yumiko相信經過上次教訓，照片會妥善處理。莊思敏有興趣知道尚有甚麼新女主角，她笑言早就意會到Edison復出計劃，她說：「佢再拍戲唔好再扮乖仔，拍色情三級都唔想睇。」周秀娜批評Edison說話捉字虱。
採訪：林妃、李珮洳
攝影：葉君海
