有線娛樂新聞台主播劉明軒上星期俾富商何乃斌入稟，要佢交出兩人喺03年買入、價值2,200萬嘅淺水灣道物業。啱啱去完康城採訪嘅劉明軒噚日返工，佢冇交代同何乃斌係乜嘢關係，只係話交晒畀律師處理，佢話返港之後已經知道何乃斌發出傳票，佢感到好突然同無助，佢話：「我自問行得正企得正，件事已經交咗畀律師處理。」